Pido talvez o que nom podes dar-me. Ricardo Carvalho Calero

Pido talvez o que nom podes dar-me.
O que talvez ninguém
pode dar-me. Isso pido.

Mas se tenho necessidade
desse alimento, pouco consolo é
para a minha fame que tal grao
nom se dê nas estepas desta terra.

Pede-lhe a quem me pujo neste mundo
o pam que deveu pôr-me baixo o braço
cando nacim.

Umha liçom de geografia económica
nom é farinha para o coraçom.


Carvalho Calero, Ricardo, Reticências... (1986-1989), Barcelona, Sotelo Blanco, 1990.




Marful