Seica soamente durará de min. Anxo Quintela

Seica soamente durará de min
o fume do tabaco que me cura,
capaz de sandar este afán sen fondo
de vela que despide o mastro.
Queda
a conversa fiada entre vapores,
o covarde valor das altas horas,
a danza dos xitanos e un gambito
de dama memorable contra a morte.
Vaise a vida en volutas, en querermos
desexo en toda costa. A cheminea

afoga un tiro en medio da feluxe.


Quintela, Anxo (1996), O asasino estrábico (Vigo: Edicións Xerais)

Marful

Sen comentarios

Déixanos o teu comentario